жіп

Жіп есе алмайды. Түкке тұрмайды, түкке жарамайды. Әйткенмен сөз қадірін түсінген адамға Ардақты Ананың жанында Батыр Ана ж і п е с е а л м а й т ы н ы бесенеден белгілі емес пе? (Егем. Қазақст., 12. 01. 2007, 6). Жіп сабақтау. Жіпті ине жасуынан (көзінен) өткізу. Ж і п с а б а қ т а у үшін қажеттілігіне қарай алдымен бір сабақ жіп алынады… (Қаз. этнография., 2, 574). Жіп таға алмады. Анығын білмеді, ажырата алмады. Мен, әрине, бастықтың машинасымен келген сұлу әйелдің, оның және апамның неліктен жылағандарына ешқандай ж і п т а ғ а а л м а д ы м (К.Сегізбаев, Жап-жасыл., 406).